தேனி உள்ளிட்ட 68 சுங்கச்சாவடி..! கட்டண உயர்வு..! இன்று நள்ளிரவு முதல் அமல்..!

by Vignesh Perumal on | 2026-03-31 12:58 PM

Share:

தேனி உள்ளிட்ட 68 சுங்கச்சாவடி..! கட்டண உயர்வு..! இன்று நள்ளிரவு முதல் அமல்..!

தமிழ்நாட்டில் தேசிய மற்றும் மாநில நெடுஞ்சாலைகளில் உள்ள 68 சுங்கச்சாவடிகளில் இன்று நள்ளிரவு முதல் சுங்கக் கட்டணம் உயர்த்தப்பட உள்ள அதிர்ச்சித் தகவல் வெளியாகியுள்ளது.

தமிழ்நாட்டில் உள்ள வாகன ஓட்டிகளுக்கும், போக்குவரத்துத் துறையினருக்கும் பெரும் சுமையை ஏற்படுத்தும் வகையில், தேசிய நெடுஞ்சாலை ஆணையம் மற்றும் மாநில நெடுஞ்சாலைத் துறை ஆகியவற்றின் கட்டுப்பாட்டில் உள்ள 68 சுங்கச்சாவடிகளில் ஏப்ரல் 1-ம் தேதி (இன்று நள்ளிரவு) முதல் புதிய கட்டண உயர்வு நடைமுறைக்கு வருகிறது.

இந்தக் கட்டண உயர்வு தமிழகத்தின் மிக முக்கியமான போக்குவரத்து வழித்தடங்களைப் பாதிக்க உள்ளது.

சென்னை - கன்னியாகுமரி தேசிய நெடுஞ்சாலை, திருச்சி - சேலம் மற்றும் சேலம் - கோயம்புத்தூர் நெடுஞ்சாலைகள், சென்னை புறநகர் வண்டலூர்-மிஞ்சூர் வெளிவட்டச் சாலையில் உள்ள 4 சுங்கச்சாவடிகள் மற்றும் நாவலூர் உள்ளிட்ட 8 மாநில நெடுஞ்சாலைச் சாவடிகள், ஸ்ரீபெரும்புதூர், பரனூர், வானகரம், கிருஷ்ணகிரி, மதுரை, நான்குநேரி, வாணியம்பாடி, விராலிமலை, கப்பலூர், கனியூர், ஆத்தூர் மற்றும் தேனி.

ஆண்டுதோறும் பராமரிப்பு மற்றும் விலைவாசி உயர்வைக் கணக்கில் கொண்டு மாற்றியமைக்கப்படும் இந்த அட்டவணையின்படி: சுமார் 3% முதல் 5% வரை கட்டணம் உயர்த்தப்பட உள்ளது. கார்களுக்கு சுமார் ₹5 வரையிலும், கனரக வாகனங்களுக்கு (லாரிகள், பேருந்துகள்) ₹40 முதல் ₹100 வரையிலும் கட்டணம் உயர வாய்ப்புள்ளது. மீதமுள்ள 17 சுங்கச்சாவடிகளில் வழக்கம் போல செப்டம்பர் 1-ம் தேதி முதல் கட்டண உயர்வு அமலாகும்.

காய்கறிகள், பால் மற்றும் மளிகைப் பொருட்களை ஏற்றி வரும் லாரிகளுக்கான சுங்கக் கட்டணம் அதிகரிப்பதால், அத்தியாவசியப் பொருட்களின் விலை உயரும் அபாயம் ஏற்பட்டுள்ளது.

ஆம்னி பேருந்துகள் மற்றும் சுற்றுலா வாகனங்களின் இயக்கச் செலவு அதிகரிப்பதால், பயணிகளுக்கான டிக்கெட் விலையை உயர்த்த வேண்டிய சூழல் ஏற்படும் என உரிமையாளர்கள் கவலை தெரிவித்துள்ளனர்.

சுங்கக் கட்டணத்தைத் தவிர்க்க வாகனங்கள் கிராமப்புறச் சாலைகளைப் பயன்படுத்துவதால், அங்கு போக்குவரத்து நெரிசல் மற்றும் சாலை சேதங்கள் ஏற்பட வாய்ப்புள்ளது.

அனைத்து ஆம்னி பேருந்து உரிமையாளர்கள் சங்கம் மற்றும் லாரி உரிமையாளர்கள் சம்மேளனம் சார்பில் விடுக்கப்பட்டுள்ள கோரிக்கையில், "ஏற்கனவே எரிபொருள் விலை உயர்வால் போக்குவரத்துத் துறை நலிவடைந்துள்ள நிலையில், இந்தச் சுங்கக் கட்டண உயர்வு பேரிடியாக உள்ளது. மத்திய அரசு உடனடியாக இந்த உயர்வை மறுபரிசீலனை செய்து, போக்குவரத்துத் துறைக்கு நிவாரணம் வழங்க வேண்டும்" என வலியுறுத்தியுள்ளனர்.

தேர்தல் களம் சூடுபிடித்துள்ள நிலையில், இந்தச் சுங்கக் கட்டண உயர்வு அரசியல் ரீதியாகவும் பெரும் விவாதங்களை ஏற்படுத்தத் தொடங்கியுள்ளது.

நிர்வாக ஆசிரியர் -பா.விக்னேஷ்பெருமாள்

WhatsApp Group Join Now