அதிர்ச்சியில் உலக நாடுகள்...! ஏலியன்கள்...! ட்ரம்ப் அதிரடி உத்தரவு..!

by Vignesh Perumal on | 2026-02-20 02:25 PM

Share:

அதிர்ச்சியில் உலக நாடுகள்...! ஏலியன்கள்...! ட்ரம்ப் அதிரடி உத்தரவு..!

அமெரிக்க அரசாங்கத்திடம் உள்ள ஏலியன்கள் மற்றும் அடையாளம் தெரியாத வான்வெளி நிகழ்வுகள் (UAP) குறித்த மிக ரகசியமான கோப்புகளைப் பொதுவெளியில் வெளியிடப் போவதாக அதிபர் டொனால்ட் ட்ரம்ப் அதிகாரப்பூர்வமாக அறிவித்துள்ளார்.

கடந்த வாரம், அமெரிக்க முன்னாள் அதிபர் பராக் ஒபாமா ஒரு பாட்காஸ்ட் (Podcast) நேர்காணலில் பங்கேற்றார். அப்போது அவரிடம், "ஏலியன்கள் இருப்பது உண்மைதானா?" என்று கேட்கப்பட்டதற்கு, "அவை உண்மையானவை" எனப் பதிலளித்தார். இது சமூக வலைதளங்களில் காட்டுத்தீயாகப் பரவி, ஏலியன்கள் குறித்த விவாதத்தை மீண்டும் உலகளவில் முன்னெடுத்தது.

ஒபாமாவின் இந்தப் பேச்சு குறித்துக் கருத்துத் தெரிவித்த அதிபர் ட்ரம்ப், ஒபாமா மிக ரகசியமான தகவல்களைப் பொதுவெளியில் கசியவிட்டுப் பெரும் தவறு செய்துவிட்டதாகக் குற்றம் சாட்டினார்.

"ஒபாமா ரகசியத் தகவல்களை வெளியிட்டுச் சிக்கலில் மாட்டிக்கொண்டார். அவரை அந்தச் சிக்கலில் இருந்து காப்பாற்றவும், மக்கள் காட்டி வரும் பெரும் ஆர்வத்தைப் பூர்த்தி செய்யவும், ஏலியன்கள் மற்றும் UFO-க்கள் குறித்த அனைத்து ரகசியக் கோப்புகளையும் அதிகாரப்பூர்வமாகத் தரவரிசையிலிருந்து நீக்கி (Declassify) வெளியிட நான் உத்தரவிட்டுள்ளேன்" - டொனால்ட் ட்ரம்ப்.

பென்டகன் (அமெரிக்கப் பாதுகாப்புத் துறை) மற்றும் பிற உளவு அமைப்புகளிடம் உள்ள வேற்றுகிரகவாசிகள் தொடர்பான அனைத்து ஆவணங்களையும் அடையாளம் கண்டு அவற்றை வெளியிட ட்ரம்ப் அதிகாரிகளுக்கு உத்தரவிட்டுள்ளார்.

அடையாளம் தெரியாத வான்வெளி நிகழ்வுகள் மற்றும் ஏலியன் தொழில்நுட்பங்கள் தொடர்பான ரகசியத் தரவுகள் இதில் அடங்கும்.

இதற்கிடையில், ஒபாமா தனது இன்ஸ்டாகிராம் பக்கத்தில் விளக்கம் அளித்துள்ளார். தனது பதவிக்காலத்தில் ஏலியன்கள் மனிதர்களைத் தொடர்பு கொண்டதற்கான எந்த ஆதாரத்தையும் தான் பார்க்கவில்லை என்றும், பிரபஞ்சத்தின் பரப்பளவைக் கருத்தில் கொண்டு புள்ளிவிவர ரீதியாகவே அவை உண்மையானவை எனக் கூறியதாகவும் அவர் தெளிவுபடுத்தியுள்ளார்.

ஏலியன்கள் மற்றும் ஏரியா 51 (Area 51) போன்ற ரகசியத் தளங்கள் குறித்துப் பல தசாப்தங்களாக நிலவி வரும் மர்மங்களை உடைக்க வேண்டும் என்ற பொதுமக்களின் கோரிக்கையை ஏற்று இந்த முடிவை எடுத்துள்ளதாக ட்ரம்ப் நிர்வாகம் தெரிவித்துள்ளது.

இந்த ரகசியக் கோப்புகள் வெளியாகும் பட்சத்தில், மனித வரலாற்றின் மிகப்பெரிய உண்மைகள் வெளிவரக்கூடும் என விண்வெளி ஆய்வாளர்கள் ஆவலுடன் காத்திருக்கின்றனர்.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now