திருத்த சட்டத்தை திரும்ப பெறவேண்டும்...! போராட்டத்தில் காங்கிரஸ் கட்சியினர்...!

by Vignesh Perumal on | 2025-04-08 04:49 PM

Share:

திருத்த சட்டத்தை திரும்ப பெறவேண்டும்...! போராட்டத்தில் காங்கிரஸ் கட்சியினர்...!

திண்டுக்கல் பேகம்பூர் மண்டி பள்ளிவாசல் எதிரே மாநகர மாவட்ட காங்கிரஸ் கட்சி சார்பாக மத்திய அரசின் வக்புக்கு எதிரான திருத்த சட்டத்தை திரும்ப பெற வலியுறுத்தி ஒரு நாள் அடையாள உண்ணாவிரத போராட்டம் நேற்று (ஏப்ரல் 7, 2025) நடைபெற்றது.

இந்த போராட்டத்தில் மாநகர மாவட்ட காங்கிரஸ் கட்சியின் தலைவர், தலைமையில் ஏராளமான காங்கிரஸ் தொண்டர்கள் மற்றும் நிர்வாகிகள் கலந்து கொண்டனர். உண்ணாவிரத போராட்டத்தின்போது, மத்திய அரசின் வக்பு வாரிய திருத்த சட்டத்தின் மூலம் சிறுபான்மையினரின் உரிமைகள் பறிக்கப்படுவதாகவும், இந்த சட்டத்தை உடனடியாக திரும்பப் பெற வேண்டும் என்றும் கோஷங்கள் எழுப்பப்பட்டன.

போராட்டத்தின் முடிவில் அவர் செய்தியாளர்களிடம் பேசியபோது, "மத்திய அரசு சிறுபான்மையினருக்கு எதிராக தொடர்ந்து பல்வேறு சட்டங்களை இயற்றி வருகிறது. வக்பு வாரிய சொத்துக்களை நிர்வகிப்பதில் மாநில அரசுகளின் உரிமைகளை பறிக்கும் வகையிலான இந்த திருத்த சட்டத்தை காங்கிரஸ் கட்சி வன்மையாக கண்டிக்கிறது. இந்த சட்டத்தை திரும்பப் பெறும் வரை எங்களது போராட்டம் தொடரும்" என்று கூறினார்.

இந்த ஒரு நாள் அடையாள உண்ணாவிரத போராட்டம் திண்டுக்கல் பகுதியில் பரபரப்பை ஏற்படுத்தியது. மேலும், இந்த போராட்டம் அமைதியான முறையில் நடைபெற்றது குறிப்பிடத்தக்கது.

WhatsApp Group Join Now