வதந்திகளுக்கு முற்றுப்புள்ளி....! நிர்வாகம் உடனடி விளக்கம்....!

by Vignesh Perumal on | 2026-07-20 12:33 PM

Share:

வதந்திகளுக்கு முற்றுப்புள்ளி....! நிர்வாகம் உடனடி விளக்கம்....!

ஆவின் நெய் விலை உயர்த்தப்படவில்லை என்றும், பழைய விலையிலேயே நெய் தொடர்ந்து விற்பனை செய்யப்படும் என்றும் ஆவின் நிர்வாகம் அதிகாரப்பூர்வமாக விளக்கம் அளித்துள்ளது.

கடந்த சில தினங்களாக ஆவின் நெய்யின் விலை உயர்த்தப்பட உள்ளதாக சமூக வலைத்தளங்களிலும், ஊடகங்களிலும் செய்திகள் வெளியாகி பொதுமக்களிடையே பெரும் விவாதத்தை ஏற்படுத்தியது. குறிப்பாக, மொத்த விற்பனையாளர்களுக்கான கமிஷன் மற்றும் விநியோகக் கட்டணங்களில் சில மாற்றங்கள் செய்யப்பட்டதைத் தொடர்ந்து, சில்லறை விற்பனை விலையும் உயரும் என்று கூறப்பட்டது.

இந்நிலையில், இந்த வதந்திகளுக்கு முற்றுப்புள்ளி வைக்கும் வகையில் ஆவின் நிறுவனம் அவசர விளக்க அறிக்கை ஒன்றை வெளியிட்டுள்ளது.

அதில் எந்த வகை ஆவின் நெய்யின் (அரை லிட்டர், ஒரு லிட்டர் அல்லது ஜாரில் அடைக்கப்பட்ட நெய் என எதன்) சில்லறை விற்பனை விலையும் உயர்த்தப்படவில்லை.

பொதுமக்கள் வழக்கம்போல ஆவின் நெய்யை பழைய விலையிலேயே ஆவின் பார்லர்களிலும், சில்லறை விற்பனைக் கடைகளிலும் தடையின்றி வாங்கிக் கொள்ளலாம்.

இந்த சர்ச்சை எழுந்ததற்கு முக்கியக் காரணமாக இருந்த "மொத்த விற்பனையாளர்களுக்கான கமிஷன் தொகையை மாற்றி அமைக்கும் உத்தரவை" ஆவின் நிர்வாகம் தற்போது அதிரடியாக வாபஸ் பெற்றுள்ளது.

விற்பனையாளர்களுக்கான லாப வரம்பு மற்றும் கட்டணங்களை மாற்றியமைக்க திட்டமிட்ட உத்தரவு தற்காலிகமாக கைவிடப்பட்டுள்ளதால், சந்தையில் ஆவின் நெய்யின் விலையில் எந்தவித மாற்றமும் இருக்காது என்பது உறுதி செய்யப்பட்டுள்ளது.

ஆவின் தயாரிப்புகளின் தரம் மற்றும் விலையில் எப்போதும் நுகர்வோரின் நலனே முதன்மையானது. நெய் விலை உயர்வு குறித்து பரவி வரும் செய்திகள் முற்றிலும் உண்மையற்றவை. பொதுமக்கள் வதந்திகளை நம்ப வேண்டாம் என்று ஆவின் நிர்வாகம் தெரிவித்துள்ளது.

ஏற்கனவே பால் விலை மற்றும் இதர பொருட்களின் விலை உயர்வால் மக்கள் அவதியுற்று வரும் நிலையில், ஆவின் நிறுவனத்தின் இந்த உடனடி அறிவிப்பும், விலை உயர்வு இல்லை என்ற விளக்கமும் பொதுமக்கள் மற்றும் இல்லத்தரசிகள் மத்தியில் பெரும் நிம்மதியை ஏற்படுத்தியுள்ளது.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now