மனைவிக்கு நோய் பாதிப்பு...! கணவன் செய்த செயல்...! குடும்பமே அழிந்தது...! பெரும் சோகம்...!

by Vignesh Perumal on | 2026-02-02 03:42 PM

Share:

மனைவிக்கு நோய் பாதிப்பு...! கணவன் செய்த செயல்...! குடும்பமே அழிந்தது...! பெரும் சோகம்...!

கோவை மாவட்டம் பெரியநாயக்கன்பாளையம் அருகே, மனைவிக்கு இருந்த தீராத நோய் மற்றும் அதனால் ஏற்பட்ட மன உளைச்சல் காரணமாக, ஒரே குடும்பத்தைச் சேர்ந்த மூன்று பேர் விஷம் குடித்துத் தற்கொலை செய்து கொண்ட சம்பவம் அப்பகுதியில் பெரும் சோகத்தை ஏற்படுத்தியுள்ளது.கோவை பெரியநாயக்கன்பாளையம் அடுத்துள்ள சமிசெட்டிபாளையம் பகுதியைச் சேர்ந்தவர் சரவணன் (பெயர் மாற்றம் செய்யப்பட்டது). இவர் தனது மனைவி மற்றும் மகளுடன் வசித்து வந்தார். இன்று காலை நீண்ட நேரமாகியும் இவர்களது வீடு திறக்கப்படாததால், சந்தேகமடைந்த அக்கம் பக்கத்தினர் ஜன்னல் வழியாகப் பார்த்தபோது, மூவரும் மயங்கிக் கிடப்பதைக் கண்டு அதிர்ச்சியடைந்தனர்.உடனடியாகப் பெரியநாயக்கன்பாளையம் போலீசாருக்குத் தகவல் தெரிவிக்கப்பட்டது. சம்பவ இடத்திற்கு வந்த போலீசார் கதவை உடைத்து உள்ளே சென்று பார்த்தபோது, மூவரும் ஏற்கனவே உயிரிழந்திருந்தது உறுதி செய்யப்பட்டது.போலீசாரின் முதற்கட்ட விசாரணையில், சரவணனின் மனைவி கடந்த சில காலமாக இரத்தப் புற்றுநோயினால் கடுமையாகப் பாதிக்கப்பட்டு சிகிச்சை பெற்று வந்துள்ளார்.மனைவியின் நோய் பாதிப்பு மற்றும் அவர் அனுபவித்த வலி, குடும்பத் தலைவரான சரவணனுக்கு மிகுந்த மன அழுத்தத்தைக் கொடுத்துள்ளது. பல இடங்களில் சிகிச்சை அளித்தும் நோய் குணமாகாதது அவரை விரக்தியின் விளிம்பிற்குத் தள்ளியுள்ளது.இதனால் வாழ்க்கையில் வெறுப்படைந்த சரவணன், தனது மனைவி மற்றும் மகளுடன் சேர்ந்து தற்கொலை செய்துகொள்ள முடிவு செய்துள்ளார்.நேற்று இரவு, சரவணன் குளிர்பானத்தில் விஷத்தைக் கலந்து தானும் குடித்து, தனது மனைவி மற்றும் மகளுக்கும் கொடுத்துள்ளார். மூவரும் அதனை அருந்திய சில நிமிடங்களிலேயே உயிரிழந்துள்ளனர். உடல்களைக் கைப்பற்றிய போலீசார், பிரேதப் பரிசோதனைக்காகக் கோவை அரசு மருத்துவமனைக்கு அனுப்பி வைத்தனர். இது குறித்துப் பெரியநாயக்கன்பாளையம் போலீசார் வழக்குப் பதிவு செய்து தீவிர விசாரணை நடத்தி வருகின்றனர்.மன அழுத்தம் அல்லது தற்கொலை எண்ணங்கள் மேலோங்கும்போது, அதிலிருந்து மீண்டு வர கீழ்க்கண்ட எண்களைத் தொடர்பு கொண்டு ஆலோசனை பெறலாம், தமிழக அரசின் உதவி எண்: 104

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now