எந்தக் கருத்தையும் கூறவில்லை...! விஜய்யை புறக்கணிக்கிறோம்...! டிகேஎஸ் இளங்கோவன்...!

by Vignesh Perumal on | 2026-02-02 02:37 PM

Share:

எந்தக் கருத்தையும் கூறவில்லை...! விஜய்யை புறக்கணிக்கிறோம்...! டிகேஎஸ் இளங்கோவன்...!

விஜய்யின் அரசியல் வருகை குறித்துக் கேட்கப்பட்ட கேள்விக்கு பதிலளித்த டி.கே.எஸ். இளங்கோவன், "விஜய்க்கு எதிராக நாங்கள் எந்தக் கருத்தையும் கூறவில்லை; உண்மையில் அவரை நாங்கள் புறக்கணிக்கிறோம். அவர் இன்னும் முதிர்ச்சியான அரசியல்வாதியாக மாறவில்லை. மக்கள் மத்தியில் பணியாற்றுவதை விட்டுவிட்டு, வீட்டிலிருந்தே அரசியல் செய்ய நினைக்கிறார்" என்று விமர்சித்தார்.கரூரில் நடந்த கூட்டத்தில் ஏற்பட்ட கூட்ட நெரிசல் மற்றும் உயிரிழப்புகள் குறித்துப் பேசிய அவர்: "தன் கட்சி நடத்திய நிகழ்ச்சியில் நடந்த அசம்பாவிதத்திற்கு விஜய் பொறுப்பேற்காமல், அதை திமுக செய்ததாகப் பொய் பரப்புரை செய்கிறார். இது அப்பட்டமான அரசியல் உள்நோக்கம் கொண்டது."" காவல்துறை உரிய பாதுகாப்பு வழங்கியிருந்தது. ஆனால், தவெக தொண்டர்கள் தடுப்புகளை உடைத்துக்கொண்டு உள்ளே நுழைந்ததே அந்தத் துயரத்திற்குப் பிரதான காரணம். இதற்கு விஜய் பதில் சொல்ல வேண்டும்.பாதிக்கப்பட்ட குடும்பங்களை நேரில் போய்ப் பார்க்காமல், அவர்களைத் தன் வீட்டிற்கு வரவழைத்துச் சந்தித்தது விஜய்யின் அரசியல் நாகரிகமற்றச் செயலாகும்" என்றும் அவர் சாடினார்.விஜய் தனது மாநாட்டிலும் பேட்டிகளிலும் திமுகவை 'தீய சக்தி' என மறைமுகமாக விமர்சித்திருந்தார். அதற்குப் பதிலடியாக டி.கே.எஸ். இளங்கோவன் விஜய்யின் கட்சியை "கொலைப்படை" எனச் சில நாட்களுக்கு முன்பு விமர்சித்திருந்தது குறிப்பிடத்தக்கது.க டந்த செப்டம்பர்/அக்டோபர் மாதம் கரூரில் நடந்த தமிழக வெற்றிக் கழகத்தின் ஒரு நிகழ்வில் ஏற்பட்ட கூட்ட நெரிசலில் 41 பேர் உயிரிழந்தனர். இது தொடர்பாக சிபிஐ விசாரணை வரை விவகாரம் சென்றுள்ளது. இந்தச் சம்பவத்தைத் தான் தற்போது திமுக மற்றும் தவெக பரஸ்பரம் குற்றஞ்சாட்டப் பயன்படுத்திக் கொள்கின்றன.

நிர்வாக ஆசிரியர் - பா.விக்னேஷ்பெருமாள்

WhatsApp Group Join Now