தேர்தல் கூட்டணி குறித்து காட்டம்...! தேமுதிக பொதுச்செயலாளர் பிரேமலதா விஜயகாந்த்...!

by Vignesh Perumal on | 2025-04-12 02:27 PM

Share:

தேர்தல் கூட்டணி குறித்து காட்டம்...! தேமுதிக பொதுச்செயலாளர் பிரேமலதா விஜயகாந்த்...!

தேமுதிக பொதுச்செயலாளர் பிரேமலதா விஜயகாந்த் இன்று மதுரையில் செய்தியாளர்களைச் சந்தித்தார். அப்போது அதிமுக - பாஜக கூட்டணி குறித்து செய்தியாளர்கள் கேள்வி எழுப்பியதற்கு பதிலளிக்க மறுத்த அவர், இது தொடர்பாக கருத்து சொல்ல விரும்பவில்லை என்று திட்டவட்டமாக தெரிவித்தார்.

மேலும் பேசிய பிரேமலதா விஜயகாந்த், "அடுத்த ஆறு மாதங்களுக்கு தேமுதிகவை வலுப்படுத்தும் பணி மட்டுமே தீவிரமாக மேற்கொள்ளப்படும். கட்சியின் கட்டமைப்பு முதல் அடிமட்ட தொண்டர்கள் வரை அனைவரையும் ஒருங்கிணைத்து தேமுதிகவின் வளர்ச்சிக்காக உழைப்போம். தேமுதிகவின் ஒவ்வொரு அடியும் கட்சியின் வளர்ச்சியை நோக்கியே இருக்கும்" என்று குறிப்பிட்டார்.

தேர்தல் கூட்டணி குறித்து செய்தியாளர்கள் மீண்டும் கேள்வி எழுப்பியபோது, "தேர்தல் கூட்டணி தொடர்பாக இப்போது எந்த முடிவும் எடுக்கவில்லை. இது குறித்து கட்சியின் மூத்த தலைவர்களுடன் கலந்து ஆலோசித்து, அனைத்து அம்சங்களையும் நிதானமாக யோசித்து தேமுதிக உரிய நேரத்தில் முடிவெடுக்கும்" என்று அவர் பதிலளித்தார்.

பிரேமலதா விஜயகாந்தின் இந்த கருத்துக்கள், தேமுதிக தற்போது தனது முழு கவனத்தையும் கட்சியை வலுப்படுத்துவதில் செலுத்துகிறது என்பதையும், தேர்தல் கூட்டணி குறித்து அவசரப்படாமல் நிதானமான முடிவை எடுக்கும் என்பதையும் தெளிவுபடுத்துகிறது. மதுரையில் அவர் இந்த கருத்துக்களை தெரிவித்திருப்பது குறிப்பிடத்தக்கது.

WhatsApp Group Join Now