இந்தியா வரும் அமெரிக்க துணை அதிபர்...! எதுக்கு தெரியுமா...?

by Vignesh Perumal on | 2025-04-12 10:13 AM

Share:

இந்தியா வரும் அமெரிக்க துணை அதிபர்...! எதுக்கு தெரியுமா...?

அமெரிக்க துணை அதிபர் ஜே.டி. வான்ஸ் இந்த மாதம் (ஏப்ரல் 2025) தனிப்பட்ட பயணமாக இந்தியா வரவுள்ளார். அவரது மனைவி உஷா சிலுகுரி வான்ஸ், இந்திய வம்சாவளியைச் சேர்ந்தவர் என்பதால், இது அவரது குடும்பத்துடன் மேற்கொள்ளும் பயணமாக இருக்கும் என்று எதிர்பார்க்கப்படுகிறது.

ஜே.டி. வான்ஸ் ஏப்ரல் 21-ஆம் தேதி இந்தியாவுக்கு வருகை தரவுள்ளார். இது நான்கு நாள் பயணமாக இருக்கும். அவர் தனது மனைவி உஷா சிலுகுரி வான்ஸ் மற்றும் குடும்பத்தினருடன் ஜெய்ப்பூர் மற்றும் ஆக்ரா ஆகிய இடங்களுக்குச் செல்லத் திட்டமிட்டுள்ளார். டெல்லியில் பிரதமர் நரேந்திர மோடி அவரைச் சந்தித்து மதிய உணவு அளிக்கலாம் என்றும் தகவல்கள் தெரிவிக்கின்றன.

இந்த பயணத்தின்போது அமெரிக்க தேசிய பாதுகாப்பு ஆலோசகர் மைக் வால்ட்ஸும் உடன் வரவுள்ளார். அவர் இந்திய தேசிய பாதுகாப்பு ஆலோசகர் அஜித் தோவலை சந்தித்துப் பேச்சுவார்த்தை நடத்தவுள்ளார். இந்தியாவுக்கும் அமெரிக்காவுக்கும் இடையே நிலவும் வர்த்தக ரீதியான பதற்றங்களுக்கு மத்தியில் இந்த பயணம் நடைபெறுகிறது. சமீபத்தில் அமெரிக்கா இந்தியா மீது கூடுதல் வரி விதித்தது குறிப்பிடத்தக்கது. இது தொடர்பாக இரு நாட்டு அதிகாரிகளிடையே பேச்சுவார்த்தைகள் நடந்து வரும் நிலையில், இந்த துணை அதிபரின் வருகை முக்கியத்துவம் வாய்ந்ததாக கருதப்படுகிறது.

இந்த பயணம் பெரும்பாலும் தனிப்பட்டதாக இருந்தாலும், இரு நாடுகளுக்கிடையேயான உறவுகள் மற்றும் வர்த்தக விவகாரங்கள் குறித்து கவனம் செலுத்தப்படலாம் என்று எதிர்பார்க்கப்படுகிறது.

WhatsApp Group Join Now