ஐபிஎல்-இல் இன்று பலப்பரீட்சை...!

by Vignesh Perumal on | 2025-04-10 09:57 AM

Share:

ஐபிஎல் 2025: பெங்களூரு மற்றும் டெல்லி அணிகள் இன்று பலப்பரீட்சை. அதாவது, 10 அணிகள் பங்கேற்றுள்ள 18வது ஐபிஎல் கிரிக்கெட் தொடர் இந்தியாவின் பல்வேறு நகரங்களில் விறுவிறுப்பாக நடைபெற்று வருகிறது. அவ்வகையில், இன்று (ஏப்ரல் 10) பெங்களூரு சின்னசாமி ஸ்டேடியத்தில் நடைபெறும் 24-வது லீக் ஆட்டத்தில் ராயல் சேலஞ்சர்ஸ் பெங்களூரு மற்றும் டெல்லி கேப்பிட்டல்ஸ் அணிகள் மோதுகின்றன. இந்த போட்டி இந்திய நேரப்படி இரவு 7:30 மணிக்கு தொடங்குகிறது.

இரு அணிகளின் தற்போதைய நிலை:

டெல்லி அணி இதுவரை விளையாடியுள்ள 3 போட்டிகளிலும் வெற்றி பெற்று புள்ளிப்பட்டியலில் முதலிடத்தில் உள்ளது. பெங்களூரு அணி 4 போட்டிகளில் 3 வெற்றி மற்றும் 1 தோல்வியுடன் புள்ளிப்பட்டியலில் மூன்றாவது இடத்தில் உள்ளது. இரு அணிகளும் இந்த சீசனில் ஃபார்மில் இருப்பதால் இன்றைய போட்டி மிகவும் விறுவிறுப்பாக இருக்கும் என்று எதிர்பார்க்கப்படுகிறது. பெங்களூரு அணி தனது சொந்த மண்ணில் விளையாடுவது கூடுதல் பலமாக இருக்கும். அதே நேரத்தில் டெல்லி அணி தனது வெற்றிப் பயணத்தை தொடர முனைப்பு காட்டும்.

நேருக்கு நேர் புள்ளிவிவரங்கள்:

இரு அணிகளும் இதுவரை 31 முறை நேருக்கு நேர் மோதியுள்ளன. இதில் பெங்களூரு அணி 19 போட்டிகளிலும், டெல்லி அணி 11 போட்டிகளிலும் வெற்றி பெற்றுள்ளன. ஒரு போட்டி முடிவு இல்லாமல் போயுள்ளது. எனவே, இன்றைய போட்டியில் யார் வெற்றி பெறுவார்கள் என்பதை பொறுத்திருந்து பார்ப்போம்.

தலைமை செய்தியாளர்-பா.விக்னேஷ்பெருமாள்.

WhatsApp Group Join Now